KAANYAG

Ang kaanyag nagkadaiya

Maanyag kon pakalitan

Di' kaha ka matakigan?

Maanyag kon matulog

Hala ka! Sige

Katulog na permi

Maanyag kon puti

Unsaon ang puti nga pamanit

Kon mura'g nukos nga gikusnit

Maanyag kon lami og lawas

Apan kanus-a man nahimo'g nawng ang lawas?

Sa tinud-anay

Wa kini sa panagway

Matod sa gi-ingon ni nanay

Ang kaanyag sa maayong pamatasan ipabuhagay

Di kini usa ka pagpanghasi

Kundili usa ka pagpanabi

Kon tanaw nimo itsuraan ka

Sige wa'y problema

Dawat namo na

Aron kita madali ug magkahi-usa

Apan di' g'yud na mada'

Kon ang imong kina-iya

Murag pang-Kingdom Animalia.

Sa mata nimo gwapa ka

Sa mata namo lahi ra

Ihinay-hinay og buka ang mata

Basin nagdamgo ra ka.